Splitboard
Ski er laga for å
gå. Snowboard for å køyre. Derfor er det enkelt og moro å kjøre brett,
mens det er verre i motbakke. Heldigvis er problemet løyst. I alle fall
nesten.
På ski står ein med
beina parallelt og er i utgangspunktet ustø i fartsretninga. Slalåmteknikken
løyser dette med fast hæl og stive støvlar. På telemark blir ein stabil ved
å sette ein fot fram, og i seinare tid med støtte i utstyret.
På brett står ein
sjøbein. Det gir enorm stabilitet i fartsretninga,
mens sidevegen er grei. -
Ein sykkel velter ikkje i fart. I
laussnø løftar det store arealet brettet, og ein får følelsen
av å sveve. På skare og skavlete føre er det ikkje like moro, men på
gjennombrotsføre kan ein oftast kjøre greitt der ein ville hatt det fælt
på ski.
Med litt hjelp lærer
ein det grunnleggjande på ein dag, og så er ein i gang.
Fjellfolk blir fort
lei av skitrekk, så det går ikkje lenge før ein vil ha med brettet til
fjells. Dessverre kjem ein ikkje
langt med begge beina
fastspent. Det har dukka opp svært variable løysingar på dette. Etter kvart er det
splitboard som dominerer.
Splitboard er snowboard som vert delt i to og brukt som ski opp. På toppen set ein saman
delane og monterar bindingane på tvers.
Voile var først ute. Løysinga deira er enkel, og fleire produsentar har
samla seg om denne. Ein av fordelane er at alle slags bindingar passar.
Burton
lagde sitt eige system, men det slo ikkje an, og dei leverer no med Voile
systemet. (Ikkje i Norge?)
Handel
Gå ikkje til ei
sportsforretning. Dei vil ikkje ane kva du snakkar om.
Uhrweder Sport
er importør for Voile. Utanlandske webshoppar fungerer også veldig greitt.
 Voile
Splitboard er "opphavet". Godt system som nettsida
forklarer svært bra. - Har også rimelege "split-kit" for ombygging av vanlege
brett. - Det fungerer godt, men kjøp "snowboardfellar" samtidig.
Prior Snowboards
har godt rykte og godt utval innan splitboard. Brukar Voile system.
Bombersplitboards.com og
Splitboard.com er nyttige sider, med
diskusjonsforum. Webshop med Voile og Prior, pluss solide bindingar frå
Bomber, som har bakgrunn i racing snowboard.
Telemark-Pyrenees har Voile Splitboard og godt utval av alt skiutstyr ++. Svært bra service
og ganske rimeleg. Her finn du sko mm. Eller truger hvis du vil bruke vanleg snowboard.
Ting som ikkje fungerer så bra..
Den første sesongen
gjekk til fots, med teleskopstavar og brettet på ryggsekken. Det kan gå bra, men vanlegvis er
det eit blodslit og ein når bokstaveleg talt skifolket til knea. Og softboots kan trekke enorme mengder vatn. Dette gjekk
ikkje, gleda over
nedturen kunne ikkje kompensere for slitet opp.
Det neste var
truger. Moderne truger har hælstøtte og broddar. Dei er lette og effektive så
lenge snøen ikkje er for djup, eller bakken for bratt. Ned igjen heng dei på
sekken saman med stavane. Men du blir ikkje populær hvis du trakkar sundt skispora, og det kan
være tungt å
alltid trakke sitt eige spor.
Så ski er lurt.
Oppover. Derfor vart neste trinn "Clicker approach skis". Dette er korte ski
som du stapper i sekken på nedtur. Eit klart framskritt. På godt føre var dei lette å gå med, og
ein kan bruke skisporet. - Men i djupsnø
gjekk dei små skia rett ned, og dei flotte turane i pudder vart eit blodslit.
Støvlane trakk vatn og varte berre to sesongar.
Dette fungerer
Ein bør ha sko som
er vasstette, tåler slitasje, har kantgrep og tar stegjern. Altså skisko, og
helst randonné. Dei lette Scarpa F1 funkar fint, det gjer visst lette Dynafit-sko også.
Telemark-sko går an, men skotuppen kan lett subbe i snøen på
tåsving.
 Så
må ein ha bindingar. Ein kan montere alle slags bindingar på "Voile
Universal Slider Track". Step-in er bra. Ganske lett,
solid og passer på plaststøvlar. Voile Mountain Plate er OK, Bomber
splitboard binding er meeget bra.
.Ein får ferdige
Splitboard, inkludert feller og frakt for 7-8000,- men har ein eit vanleg
brett kan ein spare pengar ved å kjøpe
Voile ”split-kit”. Det er drastisk å sette saga i brettet, men det fungerer. Brettet
blir litt mjukare etter saging, men dette fungerar. Husk å kjøpe fellar
samtidig.
Det kan være trasig å gå i
sidehelling med 15 cm breie ski, så på hardt føre er det ofte best å gå rett opp. Dette
leiketyet er lettare enn kraftig skiutstyr, så det fungerer på topptur.
- Men bruk ski hvis der er
særlig flater eller motbakkar på heimveg...
|
