Friluftsliv ved Troll

Mange av søkarane til Troll har friluftsinteresse. Naturen i området er fantastisk, og nokre av oss gjekk tur heile året, sjølv om det vart mindre om vinteren.

Det flotte været gjer det triveleg å bruke fjella. Sommaren er som ei norsk finværspåske, med dagtemperatur på -5-10. Det er nesten alltid sol, og sjeldan vind. For ein toppjeger er det litt uvant at mange fjell ikkje er namngitt. - Sjølv om mange nye navn vart vedtekne i 2007. - Artig å få sette navn på kartet.

Toppane rundt Troll har ikkje snø, det gjer dei trygge i forhold til bresprekker. Trolltind (ca 1900) og Trollguten (ca 1800) er dei luftigaste måla, mens Volkonskogo Gora (2014m) har den beste utsikta. Buddamagen (ca 2000) er et flott mål, mens Grjotfjellet (1650), gir flott utsikt på kort tid. Klovningen, Trollhaugen, Nonshøgda og Sofietoppen er også fine småturar, mens ein kan variere etter ønske langs Trollryggen (?), bak stasjonen. Stabben er eit gedigent landemerke, men dessverre uoppnåeleg, med loddrette stup på alle kantar.

Ellers er her utruleg mange flotte fjell på litt større avstand, men sprekkområda på breane vi må krysse gjer oss meir forsiktige enn vi er normalt... - Ulykker skal ikkje skje. Men breane er eit pluss også, det kan vere moro å utforske sprekker.

Men vi har lufta oss litt

Eit mål som peika seg ut var ”Brugda" (2377m.o.h) Vi valte å gå opp framsida, innerst i Jutulsessen. Ei bratt og ufyseleg laus steinrøys førte opp mot et skar med ein bratt snøklatt øvst. Her fekk vi ei behagelig overrasking då vi kunne klyve på berg forbi snøen, så breutstyret fekk vente. På 1850 meter, opna eit svært fjellområde seg, og vi gjekk på brear over langstrakte fjellryggar mens utsikta auka. Då vi nærma oss brekuppelen på toppen tok vi for sikkerheits skuld på tauet før den siste seige bakken.  Det var kaldt, men utsikt varma. Rart å sjå dei andre fjella så langt ovanfrå. Her er det ikkje folk kvart år.

Neste tur starta likt, men vart ein fin rundtur. Vi parkerte bandvogna i Jutulsessen og baska oss opp den same bratta til platået. Herfrå brukte vi tau nedover ein lett mistenkeleg bre, før vi sto i skaret bak gode gamle Volkonskogo Gora. Neste bakke var seig, men 400 høgdemeter seinare smalna fjellet mot toppen. Utsikta er som nemnt flott, og vi hadde ein behagelig pause i sola, sjølv om termometeret på Troll viste 20 kalde. Til slutt braut vi oss ned den bratte, men greie vegen til ”bukta” ved Troll. At bandvogna måtte hentast rettferdiggjorde ei ny joggerute neste kveld.

Heilt på tampen av sesongen rakk Trond og eg ein tur Risemedet, det høgste fjellet i området. Toppen er i følgje GPS 2726 meter og ruvar godt over naboane. Her kan vi ha vore dei første til topps. Turen gjekk opp ein "isskavl" med sprekker og deretter vidare over store snøflater, heile tida i tau. Store sprekker i nærheita, men vi fann ingen der vi gikk. Frå toppen hadde vi enorm utsikt, også innover polplatået.

Frå Volkonskogo Gora. Desember og Juli.

Buddamagen og Stabben frå Brugda

Nyttårsnatt! Skygge av Trolltindane på Nonshøgda og Sofietoppen

Ryggen mot Jutulsessen

360 Panorama video - Du må ha Quicktime

På Trolltind

Ved Klovningen

Volkonskogo gora - Mot Troll

Volkonskogo gora - På toppen

IPY traversen på Polplatået

Ved Stabben, utsikt over Jutulsessen